Որքան կարժենա Ուկրաինայի վերականգնումը

Ուկրաինայի վերականգնումը կարժենա շուրջ 500 մլրդ եվրո: Այս մասին Ուկրաինայի կառավարության և Եվրահանձնաժողովի համատեղ նիստում ասել է վարչապետ Դենիս Շմիգալը:

«Երբ խոսում ենք Ուկրաինայի վերականգնման մասին, դա նշանակում է, որ եվրոպական ընկերությունները կարող են ներդրումներ կատարել այդ ջանքերում:

Վերջին գնահատականները ցույց են տալիս, որ վերականգնումը կարժենա մոտ 500 միլիարդ եվրո: Վերականգնումը կարող է մեծ գործարք դառնալ Եվրոպայի համար՝ միավորելով և ամրապնդելով Ուկրաինայի և ԵՄ-ի միջև համագործակցությունը»,- նշել է նա:

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ուկրաինայի վերականգնումը կարժենա մոտ 700 միլիարդ դոլար։