Մեծ Բրիտանիան ցամաքային և օդային ուժեր կուղարկի Ուկրաինա

Մեծ Բրիտանիայի կառավարությունը պատրաստ է ցամաքային և օդային ուժեր ուղարկել Ուկրաինա: Այս մասին հայտարարել է Մեծ Բրիտանիայի վարչապետ Քիր Սթարմերը։

«Ես հստակ հայտարարում եմ, որ Մեծ Բրիտանիան պատրաստ է ուղարկել ցամաքային զորքեր և ինքնաթիռներ՝ աջակցելու խաղաղության գործարքին։ Մենք աշխատում ենք մեր դաշնակիցների հետ միասին»,- ասել է Մեծ Բրիտանիայի վարչապետը։

Նրա խոսքով՝ Մեծ Բրիտանիան և ԱՄՆ-ն կշարունակեն քննարկել Ուկրաինայում եվրոպական ռազմական կոնտինգենտի անվտանգության ամերիկյան երաշխիքները՝ նպատակ ունենալով կարգավորել հակամարտությունը։

Սթարմերն ընդգծել է, որ մտադիր է աշխատել Թրամփի հետ՝ Ուկրաինայի հարցում «լավ գործարք ապահովելու համար»։