Սիրիայի իշխանությունները հայտարարություն են արել՝ երկրում տիրող սարսափելի իրավիճակի ֆոնին
Սիրիայի նոր իշխանությունները թույլ չեն տա արտաքին ուժերին կամ տեղական կողմերին երկիրը ներքաշել քաղաքացիական պատերազմի մեջ։ Այս մասին հայտարարել է անցումային շրջանի Արաբական Հանրապետության նախագահ Ահմեդ ալ-Շարաան՝ մեկնաբանելով երկրի արևմուտքում իրավիճակի վատթարացումը։
«Այսօր մենք կանգնած ենք մի նոր վտանգի առաջ, որը նախկին ռեժիմի մնացորդների և նրանց թիկունքում գտնվող արտաքին ուժերի փորձն է՝ հրահրել նոր տարաձայնություններ և ներքաշել մեր երկիրը քաղաքացիական պատերազմի մեջ՝ նպատակ ունենալով պառակտել այն և ոչնչացնել նրա միասնությունն ու կայունությունը», - ասել է ալ-Շարաան իր գրասենյակի Telegram ալիքում հրապարակված տեսաուղերձում։
«Սիրիան կմնա տոկուն, և մենք թույլ չենք տա արտաքին ուժերին կամ տեղական կողմերին նրան ներքաշել քաոսի կամ քաղաքացիական պատերազմի մեջ»,- խոստացել է Դամասկոսի նոր վարչակազմի ղեկավարը։
Մարտի 6-ին Լաթաքիա, Տարտուս և Հոմս նահանգներում բախումներ են սկսվել Սիրիայի նոր իշխանություններին ենթակա անվտանգության ուժերի և նախկին նախագահ Բաշար ալ-Ասադի կողմնակիցների միջև։ Ամենածանր կրակոցները տեղի են ունեցել Ջեբլա քաղաքում, որտեղ ապրում են ալավիները՝ կրոնական փոքրամասնություն, որին պատկանում է Ասադների ընտանիքը։ Իշխանությունները բանակի ստորաբաժանումներ և զրահատեխնիկա են ուղարկել վերոհիշյալ նահանգներ, իսկ հիմնական քաղաքներում պարետային ժամ է մտցվել։
Նմանատիպ հոդվածներ
Զելենսկին ներողություն է խնդրել Թրամփից
Որ դեպքում Ադրբեջանը կստորագրի վերջնական պայմանագիրը. Բաքվից արձագանքում են
Վլադիմիր Պուտինը հայտարարել է հրադադար կնքելու մասին
Էմանուել Մակրոնը ՝ Ուկրաինայի կապիտուլյացիայի մասին
Ավելին Քաղաքականություն բաժնից
Լուրերը մեկ տողով. Փաշինյան–արցախցի վեճ, հասարակական արձագանք և Մերձավոր Արևելքի լարվածություն՝ մեկ օրում
Լուրերը մեկ տողով. Սառը եղանակ, տաք ճակատներ․ ներքաղաքական քայլեր և Մերձավոր Արևելքում էսկալացիա
Լուրերը մեկ տողով. ՀՀ-ում եղանակի կտրուկ փոփոխությունից մինչև տարածաշրջանային պատերազմի վերաձևում
