Փետրվարին Հայաստան այցելած զբոսաշրջիկների թիվը

ՀՀ զբոսաշրջության կոմիտեն հայտնել է, որ 2025 թվականի փետրվարին Հայաստան է այցելել 117 372 զբոսաշրջիկ։ Նախորդող՝ 2024թ-ի համեմատությամբ այցելությունների թիվը նվազել է 9869-ով։

2024թ․ փետրվարին Հայաստան էր այցելել 127 241 զբոսաշրջիկ, իսկ 2023թ․ նույն ամսին՝ 130 588։

2025 թ․ փետրվարին Հայաստան ամենամեծ թվով զբոսաշրջիկներ եկել են Ռուսաստանից, ինչը կազմում է զբոսաշրջային ընդհանուր այցելությունների 39%-ը, երկրորդ տեղում Վրաստանն է (15%), երրորդ տեղում` Իրանը (8%):

Հիշեցնենք` 2024 թվականի ընթացքում Հայաստանի Հանրապետություն այցելել էր 2 208 179 զբոսաշրջիկ։ Զբոսաշրջային այցելությունների թիվը 2023-ի համեմատ նվազել էր 4.6 տոկոսով (2023–ին ՀՀ էր այցելել 2 316 000 մարդ)։