Իրանի ԱԳՆ-ն անդրադարձել է Թրամփի ուղարկած նամակին

ԱՄՆ նախագահ Դոնալդ Թրամփի՝ Իրանի գերագույն առաջնորդ այաթոլլահ Ալի Խամենեիին ուղարկած նամակի հիմնական կետերը առանձնապես չեն տարբերվում ԱՄՆ նախագահ Թրամփի հռետորաբանությունից: Այս մասին ասել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային:

«Առայժմ մենք պատճառ չունենք Թրամփի նամակը հրապարակելու համար։ Այն ամենը, ինչ հրապարակվել է լրատվամիջոցներում այս նամակի վերաբերյալ, շահարկում է և չունի որևէ հիմք։ Հաշվի առնելով Թրամփի հրապարակային հայտարարությունները՝ այս նամակի բովանդակությունը շատ չի տարբերվում դրանցից»,- ասել է դիվանագետը մամուլի ասուլիսում։