Պատերազմի վտանգն ինչպես երեկ, այնպես էլ այսօր կա. Ռուբինյան

ԱԺ փոխնախագահ Ռուբեն Ռուբինյանն անդրադարձել է Ադրբեջանի առաջ քաշած նախապայմաններին՝ դրանք որակելով «ոչ լեգիտիմ»։

«Դրանք լեգիտիմ պահանջներ չեն, և դրանց վերաբերյալ մենք մեր դիրքորոշումը հայտնել ենք»,- ասել է նա։

Ռուբինյանը հիշեցրել է խաղաղության համաձայնագիրն ստորագրելու շուրջ խորհրդակցություններ սկսելու և փաստաթուղթը ստորագրելու՝ Հայաստանի պատրաստակամությունը։

 «Պատերազմի վտանգն ինչպես երեկ, այնպես էլ՝ այսօր ու վաղը, կա, բայց պատերազմի առիթ չկա, հիմք չկա»,- նշել է նա անդրադառնալով պատերազմի վտանգին: