Զինված ոստիկանները շրջափակել են Կանադայի խորհրդարանի շենքը

Կանադայի խորհրդարանի շենքում բարիկադավորված տղամարդու հետ ոստիկաները մի քանի ժամ բանակցել են: Միջադեպն ավարտվել է առանց զոհերի, իսկ կասկածյալը ձերբակալվել է: Այս մասին հայտնում է Օտտավայի ոստիկանությունը X-ում հրապարակված պաշտոնական հայտարարության մեջ:

Ավելի վաղ անհայտ անձը բարիկադավորվել էր շենքի Արևելյան բլոկում, ինչը հանգեցրել էր աշխատակիցների տարհանման և խորհրդարանական անվտանգության ծառայության ուժերի մուտքի: Ոստիկանության տվյալներով՝ տղամարդու հետ բանակցություններն ընթացել են մի քանի ժամ, սակայն գործողության մանրամասները չեն բացահայտվում:

Միջադեպի հետաքննությունը շարունակվում է, մանրամասները կհրապարակվեն ավելի ուշ: Տուժածների մասին տեղեկություններ չկան։