Պուտինը պաշտպանում է այդ գաղափարը․ Պեսկով

ՌԴ նախագահ Վլադիմիր Պուտինը պաշտպանում է Ուկրաինայում հրադադարի գաղափարը, սակայն դրա համար պետք է լուծվեն մի քանի հարցեր, որոնք առայժմ օդում կախված են։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով ԱՄՆ նախագահ Դոնալդ Թրամփի խոսքերը հարվածները դադարեցնելու անհրաժեշտության մասին։

«Նախագահ Պուտինն իսկապես աջակցում է հրադադարի անհրաժեշտության գաղափարին, սակայն մինչ այդ անհրաժեշտ է պատասխանել մի շարք հարցերի։ Այս հարցերը կախված են օդում, և մինչ օրս ոչ ոք դրանց չի պատասխանել»,- նշել է նա։

Նրա խոսքով՝ դա կապված է նաև Կիևի հետագա ռազմականացման ծրագրերի հետ, թվարկել է Կրեմլի ներկայացուցիչը։

«Այս բոլոր նրբությունները դեռ օրակարգում են»,-հավելել է նա։