Անհուսալի վարկերի ծրագրի համար քանի անձ է դիմել. մանրամասներ

Անհուսալի վարկերի սպասարկման համար եկամտահարկի վերադարձի համար այս պահի դրությամբ բավարարվել է 3594 անձի դիմում. Կառավարության նիստում հայտարարեց աշխատանքի և սոցիալական հարցերի փոխնախարար Տաթևիկ Ստեփանյանը։

Նրա խոսքով՝ սկսել են դիմել փետրվարի 1-ից, իսկ մարտի 20-ի դրությամբ վճարվել է 1896 քաղաքացու վարկի սպասարկման համար, հետո դիմել և վարկի սպասարկման հետվճար ստացել է 2968 անձ։

«Տարբերությունը հաջորդ ամսվա 20-ին կվճարվի, որովհետև ՊԵԿ համակարգով հարկերը հաշվարկվում են, և մենք այդ հարկերը տեսնում ենք հաջորդ ամսվա 20-ից հետո»,- նշեց փոխնախարարը։

Նա նաև նշեց, որ դիմողներից 680-ը առաջին անգամ են մտել աշխատաշուկա։

Վարչապետ Նիկոլ Փաշինյանն էլ կարևորել է ծրագրի վերաբերյալ իրազեկվածությունը։