Հրապարակվել են կադրեր՝ Իրանի նավահանգստում պայթյունի պահից

Իրանի հարավում գտնվող Բենդեր-Աբբաս նավահանգստում տեղի ունեցած պայթյունի հետևանքով զոհերի թիվը հասել է 5-ի, տուժել է ավելի քան 700 մարդ: Այս մասին հայտնել է Հորմոզգան նահանգի արտակարգ իրավիճակների ծառայության ներկայացուցիչ Մեհրդադ Հասանզադեն։

Իսրայելական 12-րդ հեռուստաալիքը հաղորդել է, որ Իսրայելը որևէ առնչություն չունի պայթյունի հետ։

Համացանցում հայտնվել է պայթյունին նախորդած հրդեհի, ինչպես նաև պայթյունի պահի կադրերը:

Հիշեցնենք՝ հզոր պայթյուն էր որոտացել Իրանի Հարավային նավահանգստում՝ Բենդեր Աբբաս քաղաքում։ Տեղի բնակիչների խոսքով՝ պայթյունն այնքան ուժեղ է եղել, որ սկսել է ցնցվել հողը։