Իրանի նավահանգստում տեղի ունեցած պայթյունի գործով կան ձերբակալվածներ

Իրանի իշխանությունները ձերբակալել են երկու մենեջերի՝ կապված ապրիլի 26-ին Իրանի հարավային Հորմոզգան նահանգի Բանդար Աբբաս քաղաքի Շահիդ Ռաջայի նավահանգստում տեղի ունեցած պայթյունի հետ: Այս մասին հայտնում է իրանական SNN պետական ​​լրատվական գործակալությունը։

Միջադեպի հետևանքով զոհվել է 70 մարդ, վիրավորվել 1200-ը։

«Քննության ընթացքում բացահայտվել են մի քանի կասկածյալներ, որոնց առնչությամբ կալանավորվել է մեկ մենեջեր՝ որպես պետական ​​ծառայող, և մեկ մենեջեր մասնավոր ընկերությունից»,- ասված է հաղորդագրությունում:

Հետաքննությունը շարունակվում է, և քննիչները ներկայումս դիտարկում են անփութությունը՝ որպես Շահիդ Ռաջաjի նավահանգստում տեղի ունեցած պայթյունի հիմնական պատճառ։