Մագնիսկան փոթորիկներ, գեոմագնիսական խանգարումներ են սպասվում

Այս շաբաթավերջին Երկրի վրա մագնիսական փոթորիկներ են սպասվում՝ Արեգակի վրա առաջացած մեծ պսակային անցքի պատճառով։ Այս մասին ասվում է Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիայի և Ռուսաստանի գիտությունների ակադեմիայի Սիբիրյան մասնաճյուղի կայքում տեղադրված հաղորդագրության մեջ, հայտնում է «Ռիա Նովոստի»-ն։

«Շաբաթ և կիրակի օրերին գեոմագնիսական միջավայրում զգալի փոփոխություններ են սպասվում՝ արևային քամու արագության ուժեղ աճի պատճառով։ Պատճառը կլինի պսակային մեծ անցքը»,- ասվում է զեկույցում։

Մագնիսական փոթորիկների հավանականությունը մոտ 30-40% է, գեոմագնիսական խանգարումների հավանականությունը ևս՝ մոտ 30-40% է։