ՌԴ օդանավակայաններում մի շարք չվերթներ չեղարկվել են

Մոսկվայի մի շարք օդանավակայաններում որոշ չվերթներ իրականացվում են սկզբնական ժամանակացույցից ուշացումներով՝ թռիչքների անվտանգության համար օդային տարածքի օգտագործման գործող սահմանափակումների պատճառով, գրում է Експерт․ру-ն։

«Թռիչքների անվտանգության պահանջներով օդային տարածքի օգտագործման սահմանափակումների պատճառով առանձին չվերթներ իրականացվում են նախնական չվացուցակից մեկնման ժամանակի ուշացումով։

Մոսկվայի ժամանակով ժամը 09:45-ի դրությամբ «Վնուկովո» մեկնման համար հետաձգվել է 17 չվերթ, ժամը 00:35-ից մինչեւ 10:00-ն, ևս երկու չվերթ չեղարկվել է, 47 չվերթ ուշացել է ժամանման պահին, իսկ երկուսը՝ չեղարկվել: «Շերեմետևոյում», ըստ «Յանդեքս»-ի չվացուցակի առցանց տախտակի, վեց չվերթ չեղյալ է հայտարարվել, 47-ը հետաձգվել են: «Դոմոդեդովոյում»  վեց չվերթ չեղարկվել է, մեկը՝ ուշացել, իսկ 25 ինքնաթիռ վայրէջք կկատարի ուշացումով»,- ասվում է հայտարարության մեջ։

Հավելենք՝ անցած գիշեր Մոսկվայի մարզում 35 անօդաչու թռչող սարք է խոցվել, հայտնում է Պաշտպանության նախարարությունը։ Ընդհանուր առմամբ, գերատեսչության տվյալներով, ՀՕՊ ուժերը գիշերը Ռուսաստանի ինը շրջաններում որսացել և ոչնչացրել են  ուկրաինական 105 անօդաչու թռչող սարք։