Արեգակն ամենամեծ զանգվածային արտանետումն է ունեցել դեպի Երկիր

Արեգակի վրա տեղի է ունեցել ամենամեծ զանգվածային արտանետումը, որը կարող է Երկրի վրա շատ ուժեղ մագնիսական փոթորիկներ առաջացնել, այս մասին հայտնել է Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիայի վարիչ Սերգեյ Բոգաչևը:

«Արտանետումը M8.2 մակարդակի ուժեղ արեգակնային բռնկման արդյունք էր», - ասվում է հաղորդագրության մեջ։

Գիտնականի խոսքով՝ գիշերը տեղի ունեցած արտանետումն իր ակտիվությամբ զիջում է 2024 թվականի մայիսի նմանատիպ իրադարձություններին, բայց կարող է հանգեցնել այս տարի «մագնիսական փոթորիկների ամենամեծ շարքի»՝ մինչև G4 դասի գագաթնակետային արժեքներով։ Բոգաչևը նշել է, որ կան նաև G5 դասի խանգարումների աճի կանխատեսումներ, բայց ներկայումս դրանց հավանականությունը 2% է։