Սպասվում է կարճատև անձրև և ամպրոպ. եղանակը առաջիկա օրերին

ՀՀ տարածքում այսօր սպասվում է առանց տեղումների եղանակ։ Վաղվանից սկսած մինչև հունիսի 12–ը կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Այս մասին հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Հաղորդագրության համաձայն` քամին կլինի հյուսիսարևմտյան՝ 2-5 մ/վ արագությամբ, ամպրոպի ժամանակ սպասվում է քամու ուժգնացում՝ 18-22 մ/վ արագությամբ։

Օդի ջերմաստիճանը կբարձրանա ևս 2-4 աստիճանով։

Երևան քաղաքում նույնպես այսօր սպասվում է առանց տեղումների եղանակ։ Հունիսի 9-ի և 10-ի երեկոյան սպասվում է կարճատև անձրև և ամպրոպ, ամպրոպի ժամանակ քամու ուժգնացում՝ 15-18 մ/վ արագությամբ։