Փոփոխություն ՌԴ-ում միգրանտների ռուսաց լեզվի քննության վերաբերյալ

ՌԴ-ում միգրանտների ռուսաց լեզվի քննությունը 2026 թվականի հունվարի 1-ից կանցկացվի բացառապես համակարգչային և հեռավար տեխնոլոգիաների կիրառմամբ: Այս մասին հայտնել է ՌԴ կրթության և գիտության փոխնախարար Կոնստանտին Մոգիլևսկին։

Միգրանտների համար քննության կազմակերպման և անցկացման վերահսկման միջոցառումները քննարկվել են Պետդումայի գիտության և բարձրագույն կրթության հանձնաժողովի նիստում։

Մոգիլևսկին հավելել է, որ Տոմսկի պետական համալսարանի մշակած ԱԲ-հարթակն այժմ փորձարկման փուլում է։

Այս հարթակում քննությունն ընդունում են Սիբիրի դաշնային շրջանի բոլոր մարզերում, ԼԺՀ-ում և մի շարք այլ սուբյեկտներում։ Բանավոր քննություն անցկացնելու տարբերակը քննարկման փուլում է։