Մակրոնը մեկնաբանել է Իսրայելի հարվածները Իրանին

Ֆրանսիայի նախագահ Էմանուել Մակրոնը խոսել է Իրանին Իսրայելի հարվածների շուրջ վերջին զարգացումների մասին: 

Մակրոնն ընդգծել է, որ Ֆրանսիան բազմիցս քննարկել Է Իրանի միջուկային ծրագիրը և ի պատասխան ձեռնարկել բոլոր անհրաժեշտ դիվանագիտական միջոցները: Այս համատեքստում նա վերահաստատել է Իսրայելի ինքնապաշտպանության և սեփական անվտանգության ապահովման իրավունքը։

«Ողջ տարածաշրջանի ապակայունացումից խուսափելու համար կոչ եմ անում բոլոր կողմերին ցուցաբերել առավելագույն զսպվածություն և աշխատել լարվածության նվազեցման ուղղությամբ»,- ասել է նա: