Իրադարձությունների հետ կապված ՀՀ-ի ռադիոակտիվ ֆոնի փոփոխություն չի նկատվում

Հայաստանի հարավային մասում ռադիոակտիվ ֆոնի փոփոխություններ չեն նկատվում: Այս մասին հայտնել է ՀՀ միջուկային և ռադիացիոն անվտանգության գիտատեխնիկական կենտրոնը:

Իրանական միջուկային օբյեկտների ռմբակոծությունից հետո կենտրոնի մասնագետները շտապ մեկնել են Սյունիք՝ Մեղրիում, Ագարակում և Քաջարանում դոզիմետրիկ չափումներ կատարելու համար։

Այս պահին Հայաստանի հարավային շրջաններում բնական ռադիոակտիվ ֆոնի փոփոխություններ չեն գրանցվել, սակայն կենտրոնը շարունակում է վերահսկել իրավիճակը։