Մեր օրակարգից չի հանվել Գարեգին Բ-ի հրաժարականի հարցը. Պապոյան

Հայաստանում իշխող «Քաղաքացիական պայմանագիր» խմբակցությունը օրակարգից չի հանում Ամենայն հայոց կաթողիկոս Գարեգին Բ-ի հրաժարականի հարցը։ Այս մասին ճեպազրույցի ժամանակ հայտնել է էկոնոմիկայի նախարար Գևորգ Պապոյանը:

Պապոյանը վստահեցրել է, որ իշխող կուսակցության օրակարգից ոչինչ չի հանվել։

«Անհնար է լինել Հայ առաքելական եկեղեցու հետևորդ և հաշտվել այն մտքի հետ, որ ամբողջ վերնախավը կամ դրա մեծ մասը խնդիրներ ունի կուսակրոնության երդման հետ», - ասել է Պապոյանը։

Հիշեցնենք, որ ամուրիության ուխտի խախտումը քրեորեն պատժելի արարք չէ, հետևաբար, հոգևորականների անձնական կյանքի մասին փաստերի պարզումը մտքեր է առաջացնում պետական ռեսուրսների ոչ նպատակային օգտագործման և անձնական կյանքին միջամտության մասին։