Ռուսաստանն ու Բելառուսը համատեղ զորավարժություններ կանցկացնեն

Ռուս-բելառուսական համատեղ «Զապադ-2025» զորավարժությունները կանցկացվեն սեպտեմբերի 12-ից 16-ը:  Հայտնել է Բելառուսի պաշտպանության նախարարությունը։

Զորավարժությունների ընդհանուր նպատակը կլինի Բելառուսի և Ռուսաստանի Դաշնության կարողությունների ստուգումը՝ Միութենական պետության ռազմական անվտանգությունն ապահովելու և հնարավոր ագրեսիան հետ մղելու համար, նշել է պաշտպանության նախարարությունը։

 «Բելառուսը վարում է խաղաղասեր քաղաքականություն և իրականացնում է մի շարք միջոցառումներ, որոնք ուղղված են պետության ռազմական անվտանգության ապահովմանը»,- նշել է Բելառուսի միջազգային ռազմական համագործակցության վարչության պետ Վալերի Ռևենկոն: 

«2025 թվականի զորավարժությունները կանցկացվեն Բելառուսի Հանրապետության տարածքում», - հիշեցրել է Բելառուսի պաշտպանության նախարարության ներկայացուցիչը։

Զորավարժությունները կղեկավարի Բելառուսի զինված ուժերի գլխավոր շտաբը։