Ամերիկյան զորքերը դուրս են բերվում Իրաքի ռազմաբազաներից

Միացյալ Նահանգները որոշել է դուրս բերել իր զորքերը Իրաքի Այն ալ-Ասադ և Վիկտորիա ռազմաբազաներից և արագացնել զորքերի դուրսբերումը երկրից, հաղորդում է Sky News Arabia-ն՝ հղում անելով աղբյուրներին։

Հեռուստաալիքի տվյալներով՝ ամերիկյան զորքերը սկսում են իրենց անձնակազմը տեղափոխել Էրբիլի և հարևան արաբական երկրների ռազմաբազաներ։

«Ամերիկացիները իրենց իրաքցի գործընկերներին տեղեկացրել են, որ արագացնելու են զորքերի դուրսբերման գործընթացը և չեն հետևելու երկու երկրների միջև շրջանակային համաձայնագրում սահմանված ժամանակացույցին», - ասել է հեռուստաալիքի աղբյուրը։