Ռուս զինվորականները գազատարով փորձում են մտնել Կուպյանսկ

Ռուս զինվորականները գազատարով փորձում են մտնել Կուպյանսկ: Այս մասին հայտնել էր ուկրաինական OSINT DeepState նախագիծը։

Ռուսաստանի զինված ուժերի անձնակազմը երրորդ անգամ օգտագործել է գազատարը՝ ուկրաինական զորքերի կողմից վերահսկվող քաղաքի ծայրամասում հենակետ հիմնելու համար։ Այս անգամ՝ Խարկովի մարզի Կուպյանսկում։

Խողովակաշարով անցնելու համար ռուս զինվորականները «կառուցել են մի ամբողջ լոգիստիկ զարկերակ», գրում են վերլուծաբանները։ Դրանով դեպի Կուպյանսկի ծայրամաս ճանապարհը տևում է 4 օր։

Տեղեկությունը հաստատել են նաեւ ռուս Z-բլոգերները։ Նրանք հրապարակել են գործողության կադրեր։

Հիշեցնում են, որ ռուս զինվորականները նույն մարտավարությունն են կիրառել Կուրսկի մարզի Սուջա և Դոնեցկի մարզի Ավդեևկա քաղաքներ մտնելու համար: