Իսրայելի ՊՆ-ն հայտնել է` երկու տարի տևած պատերազմի ընթացքում քանի զինվոր է մահացել

Իսրայելի պաշտպանության նախարարության տվյալներով՝ երկու տարի տևած իսրայելա-պաղեստինյան պատերազմի ընթացքում զոհվել է 1152 իսրայելցի զինվոր, որոնցից ավելի քան 40%-ը 21 տարեկանից փոքր։

Նախարարությունը պարզաբանել է, որ զոհվածներից 141-ը 40 տարեկանից բարձր էին, իսկ մնացածների մեծ մասը պահեստազորայիններ, սպաներ և զինվորներ էին, որոնք երկարաձգել էին իրենց ծառայությունը։

Զոհվածների ընտանիքների հարցերով վարչության ղեկավար Արիե Մոալեմը նշել է, որ պատերազմը «26 տարվա ցավ է բերել երկու տարվա ընթացքում», և որ որոշ օրեր երկիրը միաժամանակ հրաժեշտ է տվել մինչև 90 զինվորի։