ՔԿ-ն ձերբակալել է Մկրտիչ եպիսկոպոս Պռոշյանին, նրան կալանքի են տանում. փաստաբան

ՔԿ-ն ձերբակալել է Արագածոտնի թեմի առաջնորդ Մկրտիչ եպիսկոպոս Պռոշյանին, նրան կալանքի են տանում: Այս մասին հայտնում է փաստաբան Արա Զոհրաբյանը:

Նա նշել է, որ Արագածոտնի թեմի առաջնորդի նկատմամբ քրեական հետապնդում է հարուցվել  և մեղադրանք ներկայացվել  օրինական հավաքներին մասնակցությունը խոչընդոտելու կամ հարկադրելու, ինչպես նաև ընտրական քվեարկության արդյունքների վրա ազդելու համար։

Հիշեցնենք` Արագածոտնի թեմի առաջնորդ Մկրտիչ եպիսկոպոս Պռոշյանը գտնվում է Կենտրոնի քննչական բաժնում։

Ավելի վաղ հայտնել էինք, որ իրավապահները ներխուժել են Արագածոտնի թեմի առաջնորդարան, այնտեղ ինչ-որ գործողություններ են իրականացվում։ Կան ձերբակալված քահանաներ ու քաղաքացիական այլ անձիք։