Պուտինը շնորհակալություն է հայտնել Մելանյա Թրամփին ուկրաինացի երեխաներին աջակցելու համար

ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինը շնորհակալություն է հայտնել ԱՄՆ առաջին տիկին Մելանյա Թրամփին ուկրաինացի երեխաներին իրենց ընտանիքների հետ վերամիավորելու գործում նրա ներգրավվածության համար։

«Նախագահ Պուտինը շնորհակալություն է հայտնել առաջին տիկին Մելանյային ուկրաինացի երեխաների հարցում նրա ներգրավվածության համար։ Նա շատ շնորհակալ էր և ասաց, որ այս աշխատանքը կշարունակվի», - գրել է Սպիտակ տան ղեկավարը իր Truth Social էջում։


Հիշեցնենք՝ այսօր հեռախոսազրույց են ունեցել ԱՄՆ նախագահ Դոնալդ Թրամփը և ՌԴ նախագահ Վլադիմիր Պուտինը։


Սպիտակ տունը չի բացառում, որ Թրամփն ու Պուտինը ևս մեկ հանդիպում կանցկացնեն։