Երևան-Գյումրի ճանապարհի մի հատվածի երթևեկությունը ժամանակավորապես կկազմակերպվի մեկ երթևեկելի գոտով

Միջին նորոգման աշխատանքներով պայմանավորված՝ Մ-1, Երևան-Գյումրի ճանապարհի կմ11+890-կմ14+400 հատվածի (Երևանից մինչև Պռոշյան) երթևեկությունն առավոտյան ժամը 06:00-ից մինչև 20:00-ը ժամանակավորապես կկազմակերպվի մեկ երթևեկելի գոտով։ Այս մասին տեղեկացնում են «Ճանապարհային դեպարտամենտից»:

«Վարորդներին հորդորում ենք լինել ուշադիր և պահպանել ճանապարհային երթևեկության կանոնները»,- ասված է հաղորդագրությունում։