Էդուարդ Սպերցյանը կոչ է արել աջակցել «Կրասնոդարին»

«Կրասնոդարի» կիսապաշտպան Էդուարդ Սպերցյանը իր Telegram ալիքում դիմել է երկրպագուներին՝ կոչ անելով աջակցել թիմին Ռուսաստանի Պրեմիեր-լիգայի 14-րդ տուրի «Սպարտակի» դեմ հանդիպման ընթացքում։

«Բարեկամներ, ձեր աջակցությունը մեզ համար հսկայական ուժ է։ Սպասում ենք բոլորիդ»,- գրել է Սպերցյանը։

Խաղը կայանալու է նոյեմբերի 2-ին՝ Կրասնոդարի «Ozon Արենայում»։

Ներկա պահին «Կրասնոդարը» 29 միավորով զբաղեցնում է Ռուսաստանի Պրեմիեր-լիգայի երկրորդ տեղը, իսկ «Սպարտակը» 22 միավորով գտնվում է վեցերորդ հորիզոնականում։ Նախորդ տուրում «ցլերը» 1:0 հաշվով հաղթել էին «Ռուբինին», մինչդեռ մոսկվացի «կարմիր-սպիտակները» նույն հաշվով առավելության էին հասել «Օրենբուրգի» նկատմամբ։