Դատախազությունը Հովհաննավանքի վերաբերյալ հայց չի ներկայացրել. Հայկական Ժամանակ

ՀՀ դատախազությունը հայտարարել է, որ Հովհաննավանքի հետ կապված որևէ հայցադիմում դատարան չի ներկայացվել։

Այս մասին «Հայկական ժամանակ»-ի հարցին ի պատասխան հայտնել են ՀՀ գլխավոր դատախազությունից:

Ըստ հաղորդագրության՝ այս պահին դատախազությունը նման վարույթ չի նախաձեռնել և դատական գործընթաց չկա։

Կայքը հիշեցնում է, որ ավելի վաղ լրատվամիջոցներից մեկում հրապարակված տեղեկատվության համաձայն, իշխանությունները, իբր, պատրաստվում են Հովհաննավանքը բռնազավթել դատախազության միջոցով: Մասնավորապես, ըստ հրապարակման, պատրաստվում են հայցադիմում ներկայացնել դատարան` վիճարկելու Հովհաննավանքի սեփականության իրավունքը և , իբր, քննարկվում է հայցը ոչ թե ընդդեմ Մայր Աթոռի, այլ` Կադաստրի կոմիտեի ներկայացնելու տարբերակը՝ թե սխալ վկայական են տվել: