Արցախից տեղահանված 120 հազար արցախցիներից միայն 21 916-ն է դիմում գրել ՀՀ քաղաքացիություն ստանալու համար

Արցախից բռնի տեղահանված 21 հազար 916 անձ 2025-ի հոկտեմբերի 30-ի դրությամբ դիմել է ՀՀ քաղաքացիություն ստանալու համար։

ԱԺ-ում 2026 թվականի բյուջեի նախագծի ներկայացման ընթացքում Ներքին գործերի նախարար Արփինե Սարգսյանը նշեց, որ նույն օրվա դրությամբ ՀՀ նախագահի հրամանագրով քաղաքացիություն է շնորհվել 14 հազար 64 անձի, իսկ անձնագրավորման միջոցով քաղաքացիություն է ստացել ևս 7 հազար 191 անչափահաս։

Նախարարը հավելեց, որ ընթացքի մեջ են նաև 7 հազար 852 գործեր։

Հիշեցնենք, որ 2023 թվականին Ադրբեջանի ռազմական գործողություններից հետո Արցախից շուրջ 120 հազար մարդ է տեղափոխվել Հայաստան։