Մոսկվան գովաբանել է Վրաստանի իշխանություններին

Ռուսաստանի Անվտանգության խորհրդի քարտուղար և նախկին պաշտպանության նախարար Սերգեյ Շոյգուի խոսքով՝ վրացական կառավարությունը պահպանել է կայունությունը՝ չեզոքացնելով ընտրությունների ընթացքում երկրի ներսում իրավիճակը ապակայունացնելու փորձերը։

Նրա գնահատմամբ՝ կառավարությունը «իրապես պաշտպանել է Վրաստանի և վրաց ժողովրդի շահերը»։

Մոսկվան նախկինում ևս բազմիցս նշել է իր գոհունակությունը Թբիլիսիի գործողություններից, մասնավորապես՝ ինքնիշխանությունը պահպանելու, «օտարերկրյա գործակալների» վերաբերյալ օրենսդրական նախաձեռնություններ ընդունելու և ԼԳԲՏ քարոզչությունը արգելելու ուղղությամբ։