Թրամփը կօգտագործի Tomahawk հրթիռների մատակարարումը որպես բանակցային գործիք. փորձագետ

ԱՄՆ նախագահ Դոնալդ Թրամփը փորձում է պահպանել Ուկրաինային նախատեսված Tomahawk տեսակի թևավոր հրթիռների մատակարարման հնարավորությունը՝ այն օգտագործելով որպես բանակցային լծակ Ռուսաստանի հետ երկխոսությունում։ Այս մասին РИА Новости-ին տված հարցազրույցում հայտնել է Թուրքիայի արտաքին քաղաքականության ուսումնասիրությունների կենտրոնի (TUDPAM) փոխնախագահ Մուստաֆա Մեթին Քաշլըլարը։

Հիշեցնենք՝ Պենտագոնը հավանություն է տվել Ուկրաինային երկարաշարժման հրթիռների փոխանցմանը՝ նշելով, որ դա չի վնասի ԱՄՆ զինանոցի պաշարներին։ Վերջնական որոշումը մատակարարման վերաբերյալ պետք է կայացնի նախագահը։

Քաշլըլարի կարծիքով՝ Վաշինգտոնը այս հարցը դիտում է ոչ թե որպես ռազմական, այլ քաղաքական քայլ՝ նպատակ ունենալով ուժեղացնել ճնշումը Մոսկվայի վրա և պահել այն որպես բանակցային տիրույթում օգտագործվող գործիք։ Միևնույն ժամանակ նա նշել է, որ Tomahawk հրթիռները չեն կարող էականորեն փոխել իրավիճակը պատերազմի դաշտում։