Հայաստանում ԵՄ առաքելությունը օգտագործվել է Ադրբեջանի դեմ քարոզչության գործիք. Հաջիզադե

Ադրբեջանի արտաքին գործերի նախարարության մամուլի ծառայության ղեկավար Այհան Հաջիզադեն հայտարարել է, որ Հայաստանում տեղակայված ԵՄ քաղաքացիական առաքելությունը լայնորեն օգտագործվել է որպես Ադրբեջանի դեմ քարոզչության գործիք։

«Հաշվի առնելով այս ամենը՝ ադրբեջանա-հայկական սահմանին երրորդ կողմերի ուժերի չտեղակայումը մեր կողմից առաջ է քաշվել որպես խաղաղության համաձայնագրի առանցքային դրույթներից մեկը և արդյունքում ընդունվել է»,-  նշել է Հաջիզադեն։

Նա հավելել է, որ Բաքուն կողմ է տարածաշրջանում երկարատև խաղաղության հաստատմանը՝ առանց արտաքին միջամտությունների։