Որքա՞ն գումար է նախատեսված Երևանի ամանորյա զարդարանքների համար. «Հրապարակ»

Երևանի քաղաքապետարանը այս տարի ամանորյա տոնական միջոցառումների նախապատրաստական աշխատանքները սկսել է հոկտեմբերի 30-ից։

«Հրապարակ» թերթի տեղեկություններով ամանորյա ծախսերի համար նախատեսվել է շուրջ 600 միլիոն դրամ։ Սակայն ընդգծել են, որ այս թիվը նախնական է, քանի որ տոնակատարությունների կազմակերպման համար հայտարարված գնումների մրցույթը դեռ ավարտված չէ։

Ըստ աղբյուրի՝ այս տարի Հանրապետության գլխավոր տոնածառը ունենալու է նոր ձևավորում՝ ամբողջությամբ նոր ճյուղերով և լուսային համակարգով։ Վերջնական ծախսերի չափը կհստակեցվի մրցույթի արդյունքների հրապարակումից հետո։