Նոյեմբերի 9-ը, երբ ավարտվեց պատերազմը և փոխվեց պատմությունը

Այսօր նոյեմբերի 9-ն է՝ 2020 թվականի 44-օրյա պատերազմի ավարտի 5-րդ տարելիցը:

2020-ին այս օրը վարչապետ Նիկոլ Փաշինյանը ֆեյսբուքյան իր էջում հայտարարեց, որ Ռուսաստանի և Ադրբեջանի նախագահների հետ պատերազմը ժամը 01.00-ից դադարեցնելու մասին հայտարարություն է ստորագրել: Փաշինյանը նշել էր, որ հայտարարության տեքստը, որն արդեն հրապարակվել էր, անասելի ցավոտ է իր և ժողովրդի համար:

Այս օրը հայոց օրացույցում սևով է նշված: 5 տարի առաջ այս օրը ստորագրված Հայաստան-Ռուսաստան-Ադրբեջան եռակողմ համաձայնագրի արդյունքում Արցախի մեծ մասը մնաց թշնամուն, իսկ այսօր արդեն հայերի պատմական բնօրրան Արցախն ամբողջությամբ կորսված է ու հայաթափված: