Եվրոպան խաբուսիկ հույսեր է տալիս Կիևին․ Պեսկով

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ եվրոպական երկրները մոլորեցնում են Կիևին։

«Եվրոպացիները ամեն կերպ խրախուսում են Կիևին՝ կարծելով, թե Ուկրաինան կարող է հաղթել պատերազմում և պաշտպանել իր շահերը ռազմական ճանապարհով։ Դա ամենախորը մոլորությունն է, որին կարող է ենթարկվել Կիևի իշխանությունը»,- նշել է Պեսկովը լրագրողների հետ զրույցում։

Ռուսաստանի նախագահի մամուլի քարտուղարն ընդգծել է, որ Մոսկվան շարունակում է հետևել իր նպատակներին հատուկ ռազմական գործողության շրջանակում և չի տեսնում որևէ իրատեսական պայման խաղաղ կարգավորման համար՝ հաշվի առնելով Արևմուտքի ներկայիս դիրքորոշումը։