Փաշինյանը կհանդիպի բարձրաստիճան հոգևորականների հետ. մանրամասներ

Վարչապետ Նիկոլ Փաշինյանը հայտարարել է, որ պատրաստվում է հանդիպում անցկացնել մի խումբ բարձրաստիճան հոգևորականների հետ, որոնց անունից այսօր սոցիալական ցանցերում տարածվել է աղմկահարույց հայտարարություն։ Փաշինյանը այս մասին ասել է ճեպազրույցի ընթացքում, որը սկսվելուց ընդամենը րոպեներ առաջ մերձիշխանական տելեգրամ ալիքներից մեկում հրապարակվել էր այդ հայտարարությունը։

Հիշեցնենք՝ ավելի վաղ հայտնել էինք, որ ԱԺ պատգամավոր Վահագն Ալեքսանյանը ֆեյսբուքում գրել է.

«Այն ինչ ասում էինք ամիսներ շարունակ հիմա արդեն ասում են ՀԱԵ 10 եպիսկոպոսներ։ Ասում են ուղիղ, ասում են ու ստորագրում իրենց ասածի տակ։ Հիմա ո՞վ է «հակաեկեղեցականը» տիկնայք և պարոնայք ԿԳԲ-ի հավաքագրված գործակալներ և դրանց ձեռնասուն քարոզիչներ»։