Պուտինը պատրաստակամություն է հայտնել հանդիպել Թրամփի հետ Բուդապեշտում

Ռուսաստանի նախագահ Վլադիմիր Պուտինը Հունգարիայի վարչապետ Վիկտոր Օրբանի հետ հանդիպման ընթացքում հայտարարել է, որ պատրաստ է ԱՄՆ նախագահ Դոնալդ Թրամփի հետ հնարավոր հանդիպումը կազմակերպել Բուդապեշտում, եթե կողմերը այդ մասին համաձայնության գան։

«Եթե մեր բանակցությունների ընթացքում հարցը հասնի Բուդապեշտը որպես հարթակ օգտագործելուն, ես նույնպես շատ ուրախ կլինեմ և ցանկանում եմ շնորհակալություն հայտնել ձեր պատրաստակամության համար աջակցություն ցուցաբերելու հարցում»,– ասել է Պուտինը՝ խոսելով ռուս-հունգարական բանակցությունների մասին։