Ձյուն է տեղում, տեղ-տեղ մերկասառույց և մառախուղ․ իրավիճակը՝ ՀՀ ավտոճանապարհներին

Ofelya 1 րոպե 2,204 դիտում

11.12.2025 16:44

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։

Կորեայի ձորի ճանապարհի հիմնանորոգման աշխատանքներով պայմանավորված, հաշվի առնելով քարաթափման վտանգը, օգոստոսի 19-ից ճանապարհը ժամանակավորապես փակ է երթևեկության համար։

Վարդենիսի տարածաշրջանի ավտոճանապարհներին տեղ-տեղ առկա է մերկասառույց։

Մեղրիի տարածաշրջանում տեղում է ձյուն։

Արտաշատի տարածաշրջանում և «Մեղրու սար» կոչվող հատվածում մառախուղ է։

Վարորդներին հորդորում ենք երթևեկել բացառապես ձմեռային անվադողերով։

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։