Կասկածելի անձանց միջոցով մի՛ ստացեք և մի՛ փոխանցեք դրամական միջոցներ․ ՆԳՆ ոստիկանություն

ՆԳՆ ոստիկանությունը հորդորում է դրսևորել առավելագույն զգոնություն, երբ անծանոթ անձինք հորդորում կամ խնդրում են իրականացնել դրամական միջոցների ընդունում և փոխանցում։

«Ձեռնպահ մնացե՛ք կասկածելի գործունեություն իրականացնող հիմնադրամների կամ կառույցների միջոցով դրամական որևէ փոխանցում ընդունելուց կամ կատարելուց։

Այդպիսի փոխանցումների հետևանքով կարող եք ոչ միայն ֆինանսական կորուստներ ունենալ, այլև ձեր կամքից անկախ դառնալ հանցավոր շղթայի մի մասը։

Եղե՛ք զգոն և չեք դառնա զեղծարարության զոհ»,- ասվում է հաղորդագրությունում։