Միքայել Սրբազանի գործով դատախազն ազատվել է պաշտոնից

Պաշտոնից ազատվել է Շիրակի թեմի առաջնորդ Միքայել արքեպիսկոպոս Աջապահյանի գործով դատախազ Արման Բաղդասարյանը։ Այս մասին տեղեկանում ենք Գլխավոր դատախազ Աննա Վարդապետյանի հրամաններից։

Նա արդարադատության առաջին դասի խորհրդական էր, զբաղեցնում էր Գլխավոր դատախազության սահմանադրական կարգի հիմունքների, պետության և հասարակական անվտանգության դեմ ուղղված հանցագործությունների գործերով վարչության պետի տեղակալի պաշտոնը։

Հրամանից պարզ է դառնում, որ Արման Բաղդասարյանն ազատվել է սեփական դիմումի համաձայն։