Արտաքին գովազդի վահանակների ոչ պատշաճ վիճակը կհանգեցնի տուգանքների

Կառավարությունը փետրվարի 26-ի նիստում որոշում է ընդունել, որով Հայաստանում արտաքին գովազդի օպերատորների համար սահմանվում է պատասխանատվություն՝ գովազդային վահանակները ոչ պատշաճ վիճակում պահելու դեպքում։

Որոշման հիմնավորման համաձայն՝ երկրի ավտոճանապարհներին առկա են բազմաթիվ լքված և վնասված գովազդային վահանակներ։ Գործնականում չի իրականացվում դրանց արտաքին տեսքի և տեխնիկական անվտանգության պատշաճ վերահսկողություն, ինչը կարող է վտանգ ներկայացնել։

Նոր կարգավորմամբ արտաքին գովազդի օպերատորները պարտավոր են առնվազն վեց ամիսը մեկ անգամ ստուգել իրենց գովազդային վահանակների տեխնիկական վիճակը։ Անհրաժեշտության դեպքում նրանք պետք է իրականացնեն վերանորոգման և ամրացման աշխատանքներ՝ ապահովելով վահանակների անվտանգ շահագործումը։