Ինչպես է Նեթանյահուն մոլորեցրեց Թրամփին. The New York Times

The New York Times-ը հրապարակել է տեղեկություններ, ըստ որոնց՝ Իսրայելի վարչապետ Բենիամին Նեթանյահուն փորձել է ձևավորել ԱՄՆ նախագահ Դոնալդ Թրամփի դիրքորոշումը Իրանի վերաբերյալ գործողությունների շուրջ։

Պարբերականի տվյալներով՝ փետրվարի 11-ին անցկացված հանդիպման ընթացքում Նեթանյահուն ներկայացրել է օպերատիվ ծրագիր՝ նշելով, որ Իրանում ստեղծվել են պայմաններ իշխանափոխության համար։ Նա ընդգծել է, որ ամերիկա-իսրայելական համատեղ գործողությունը կարող է ավարտին հասցնել Իսլամական Հանրապետության ներկայիս համակարգը։

Նշվում է, որ հանդիպման ընթացքում Թրամփին ցուցադրվել է նաև տեսանյութ, որտեղ ներկայացվել են հնարավոր առաջնորդներ, որոնք կարող էին իշխանության գալ գործող վարչակարգի տապալման դեպքում։ Այդ ցանկում ընդգրկված էր նաև Իրանի վերջին շահի որդին՝ Ռեզա Փեհլևին, ով ներկայումս բնակվում է ԱՄՆ-ում և հանդես է գալիս որպես աշխարհիկ կառավարման կողմնակից։

Նեթանյահուն և նրա թիմը պնդել են, որ Իրանի բալիստիկ հրթիռային ծրագիրը հնարավոր է չեզոքացնել մի քանի շաբաթում, իսկ երկիրը չի կարողանա փակել Օրմուզի նեղուցը կամ լուրջ հարվածներ հասցնել ԱՄՆ շահերին տարածաշրջանում։ Սակայն ԱՄՆ պետքարտուղար Մարկո Ռուբիոն, ըստ հրապարակման, այդ ծրագիրը գնահատել է բացասական, չնայած դրան՝ վերջնական որոշումը կայացրել է Թրամփը։