Կրեմլը հերքել է Վենեսուելա ռուս զինվորականներ ուղարկելու մասին լուրը

ՌԴ նախագահի մամուլի խոսնակ Դմիտրի Պեսկովը հերքել է ռուսաստանյան մասնավոր ռազմական ընկերության զինվորականներին Վենեսուելա ուղարկելու մասին լուրը: «Ոչ, իհարկե»,- Interfax-ի փոխանցմամբ՝ ասել է Պեսկովը «Մոսկվա, Կրեմլ, Պուտին» հաղորդման ժամանակ՝ պատասխանելով հաղորդավարի՝ Նիկոլաս Մադուրոյին պաշտպանելու համար 100 ռուս մարտիկի Վենեսուելա ուղարկելու մասին հարցին: Պեսկովը կատակելով հիշել է ռուսական ասացվածքներից մեկը. «Վախը մեծ աչքեր ունի»: Այս շաբաթ ավելի վաղ մի շարք լրատվամիջոցներ տեղեկացրել էին, որ Վենեսուելա են ժամանել պայմանագրային զինծառայողներ Ռուսաստանից, որոնք պաշտպանելու են Մադուրոյին: