Ձերբակալվել է Կալուգայում վթարված ավտոբուսի սեփականատերը․ ՌԴ ՔԿ

ՌԴ քննչական կոմիտեն հաղորդել է, որ երեխաների խումբ տեղափոխելիս Ռուսաստանի Կալուգայի շրջանում վթարված ավտոբուսի սեփականատերը ձերբակալվել է: Պարզվել է, որ ավտոբուսը պատկանում է մասնավոր ձեռնարկատիրոջ, որը Սմոլենսկի շրջանի Յարցեվո քաղաքի բնակիչ է: Կոմիտեի պաշտոնական ներկայացուցիչը տեղեկացրել է, որ ձերբակալությունն իրականացվել է հարուցված քրեական գործի շրջանակներում, իսկ գործը հարուցվել է առանց անվտանգության կանոնները պահելու ծառայություններ մատուցելու, որը հանգեցրել է 2 կամ ավելի մարդու մահվան, հատկանիշներով: Հիշեցնենք, որ ավտովթարի հետևանքով տուժած քաղաքացիների թվում նաև հայեր են եղել՝ Մարիա Առաքելյան (ծնված 2008 թ.), Սոնա Ադամյան (ծնված 1988 թ.): Տուժածները տեղափոխվել են Կալուգայի քաղաքային հիվանդանոց: