Ժիրինովսկին դժգոհել է իր ազգանունից. Նման հիմար ազգանունով ոչ մի ուրիշը չկա

Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին իր ազգանունը համարում է աշխարհում «ամենահիմարը»: Ինչպես հաղորդում է Vesti. ru-ն, քաղաքական գործիչը ոչ միայն իր ազգանունը չի հավանում, այլ նաև ռուսական մի շարք այլ ազգանուններ: Մասնավորապես նրանք, որոնք կապված են մարմնի այս կամ այն մասի հետ: «Օրինակ՝ ի՞նչ ազգանուն է Լոկոտ /արմունկ/», - ասել է Ժիրինովսկին՝ նկատի ունենալով Նովոսիբիրսկի քաղաքապետին: Նա շարունակել է, թե նույն սկզբունքով կարող էին լինել ազգանուններ նաև «եղունգ» կամ «թարթիչ» բառերով: Ժիրինովսկին համոզված է, որ աշխարհում ոչ ոք չունի ավելի հիմար ազգանուն, քան իրենն է:Չնայած քաղաքական գործչի հայտարարությանը, լրատվամիջոցը նկատել է, որ Ժիրինովսկի ազգանունով այլ մարդիկ Ռուսաստանում նույնպես կան: