Ռեստորանը զրկվել է գիշերն աշխատելու հնարավորությունից. Տնօրենը դժգոհ է

«Հրապարակ» թերթը գրում է. «Հանրապետության փողոցում գտնվող «Կովկաս» ռեստորանը զրկվել է գիշերն աշխատելու հնարավորությունից․ հարեւաններից մեկի բողոքի հիման վրա 24 ժամ աշխատելու լիցենզիան չեն թարմացրել։ Ռեստորանի տնօրենը հաստատեց մեր լուրը՝ դժգոհելով․ «Ես կուզենայի, որ էդ օրենքին բոլորը ենթարկվեին, եթե մենք չենք աշխատում՝ օրենքի պահանջով, բոլորն էլ չաշխատեն»։ Սակայն եթե ուզում ենք Հայաստան զբոսաշրջիկներ գան, գիշերային ռեստորանները պարտադիր են, իսկ Երեւանում 24։00-ից հետո աշխատող հաստատություններ չկան»: Մանրամասներըՙ թերթի այսօրվա համարում: