Մալիում զինված անձինք 110 հովվի են սպանել և մի ամբողջ բնակավայր ոչնչացրել

Մալիի Բանկաս քաղաքի մոտակայքում որսորդների պես հագնված զինված անձինք հարձակվել են Օգասագու և Վելինգարա բնակավայրերի հովիվների վրա։ Այս մասին հայտնում է Reuters-ը՝ հղում անելով քաղաքապետ Մուլայ Գուինդոին։ «Օգասագու գյուղն ամբողջությամբ ոչնչացված է»,- հայտնել է Գուինդոն։ Քաղաքապետը նաև նշել է, որ այդ տարածքներում 110 զոհի մարմին է հայտնաբերվել։