ՊԵԿ նախագահը հայտնել է, թե որ ոլորտում է ամենամեծ ստվերը

Այսօր լրագրողների հետ զրույցում ՊԵԿ նախագահ Դավիթ Անանյանը մեկնաբանել է վարչապետի այն հայտարարությունը, թե միջազգային փորձագիտական կազմակերպությունների գնահատականով Հայաստանում 50 տոկոսի է հասնում ստվերը, մինչդեռ ԱՎԾ տվյալներով այն 25 տոկոս է, որն էլ իջեցվել է 22 տոկոսի: Նրա խոսքով` վարչապետի հնչեցրած 50 տոկոսը միջազգային ինչ-որ կազմակերպության տեղեկություն էր, իսկ ճշգրիտ գնահատականների ուղղությամբ աշխատում են: Ըստ Անանյանի՝ միջազգային կառույցները տարբեր ցուցանիշներ են հրապարակում` 35, 40, 45, 50, եւ վարչապետը հնչեցրել է միջազգային կառույցներից մեկի տեսակետը, եւ այնպես չէ, որ այդ հնչեցրած տեսակետը իրականությանը համապատասխանում է, բայց դրանք գնահատականներ են, որոնց մեթոդաբանության առումով դեռևս մենք պետք է մեր մոտեցումներն էլ ասենք. «Մենք ունենք ԱՎԾ, որի տվյալներն ենք պարտավոր ներքին վարչարարությունն իրականացնելու համար հիմք ընդունել: Անանյանը նշեց, որ ոլորտային ստվերի գնահատման մեթոդաբանություն են մշակում, որը պետք է ավտոմատացվի, եւ օնլայն ռեժիմով հարկունակ ստվերի ոլորտային գնահատման համակարգ ստեղծվի: «Մենք ոլորտների նկատմամբ մեր պատկերացումներն ունենք, բայց դրանք մեր ներքին աշխատանքային դատողություններն են»,- ասաց նա, նշելով, որ ամենամեծ ստվերը մանրածախ առևտրի ոլորտում է Անանյանը նաև հավելեց, որ ստվերը խոշոր սուպերմարկետներում անհամեմատ ավելի փոքր է: