Opel-ների բախման հետևանքով 3 մարդ տեղափոխվել է հիվանդանոց

Ապրիլի 2-ին ավտովթար է տեղի ունեցել Երևանում։ Ժամը 11։25-ի սահմաններում Նորք Մարաշ վարչական շրջանի Արմենակ Արմենակյան փողոցում բախվել են Opel Astra մակնիշի 35 ՍQ 734 համարանիշի և Opel մակնիշի 34 DL 729 համարանիշի ավտոմեքենաները։ Ինչպես հայտնում է Shamshyan. com-ը, վթարի հետևանքով 3 հոգի մարմնական վնասվածքներով տեղափոխվել են հիվանդանոցներ։ Հարվածի հետևանքով Opel Astra-ն էլ բախվել է երկաթե էլեկտրասյանը՝ վնասելով արտաքին լուսավորության լամպը։ Ոստիկանությունը պարզում է վարորդների և վիրավորների ինքնությունը։