Խոշոր հրդեհ Երևանոի կահույքի արտադրամասերից մեկում. Հայտարարվել է վտանգավորության «Բիս» 1 աստիճան

Այսօր՝ ապրիլի 12-ին, խոշոր հրդեհ է տեղի ունեցել Երևանում: Ժամը 06:05-ի սահմաններում Արտակարգ իրավիճակների նախարարության փրկարար ծառայության 9 -11 օպերատիվ կառավարման կենտրոն ահազանգ է ստացվել, որ Արգավանդի խաչմերուկից դեպի Զվարթնոց միջազգային օդանավակայան տանող ճանապարհահատվածի հարեւանությամբ գտնվող տներից մեկի հարեւանությամբ գտնվող կահույքի արտադրամասում հրդեհ է բռնկվել: Ինչպես դեպքի վայրից հայտնում է ֆոտոլրագրող Գագիկ Շամշյանը, տեղում հայտարարվել է հրդեհի վտանգավորության «Բիս» 1 աստիճան: Ֆոտոլրագրողը հայտնում է, որ հրշեջների եւ քաղաքացիների օպերատիվ գործողությունների արդյունքում նախ կանվեց Իսակովի պողոտայի թիվ 83 հասցեում առաջացած խոշոր հրդեհի տարածումը, որից հետո հրդեհը մեկուսացվեց եւ մարվեց ամբողջովին: Այրվել է մեծ քանակի փայտյա ապրանքներ, տանիքը, եւ այլ իրեր: Ըստ նախնական տեղեկությունների, հրդեհի հետեւանքով զոհեր եւ վիրավորներ չկան: